agenda 2025/2026

La Cultura Rumantscha Lucerna preschenta a Vus il program d' inscunters per famiglias e persunas rumantschas a Lucerna e conturn.

La purschida «las muntanellas» per uffants ha lieu ina giada al mais. Questa stagiun organisain nus suentermezdi da lingua, nua che nus discurrin, giugain e zambergian per rumantsch. Quels suentermezdi han lieu mintgamai en la biblioteca da citad a Lucerna ensemen cun nossa magistra Livia. Per che nus possian ans preparar bain, supplitgain nus da s'annunziar per questa purschida. Quai gest per l'entira stagiun. En cas d'impediment supplitgain nus da sa perstgisar per mail. Nus ans selegrain da Vossas annunzias.

Per ils creschids cuntinuain nus cun la «maisa radunda». Quella ha lieu ina giada il mais, mintgamai l'emprima gievgia saira da las 19.00 a las 21.00, en il PASTARAZZI im Himmelrich a Lucerna. Sche ti has gust da discurrer e dad udir durant duas uras rumantsch alura passà.